Qeveria e Kosovës i ka vendosur një paketë të sanksioneve Rusisë dhe Bjellorusisë.
Kryeministri, Albin Kurti, tha se qeveria është e bashkërenduar me Bashkimin Evropian, NATO-n, ShBA dhe Mbretërinë e Bashkuar për tu përballur me pasojat në rajonin tonë.
“Po miratojmë një pako të sanksioneve ndaj saj. Kjo nuk është hera e parë që Kosova i vë sanksione Federatës Ruse. Qeveria është e bashkërenduar me Bashkimin Evropian, NATO-n, ShBA dhe Mbretërinë e Bashkuar për tu përballur me pasojat në rajonin tonë”, deklaroi Kurti, shkruan arbresh.info.
Ministrja e Jashtme, Donika Gërvalla, bëri të ditur se në këto sanksione është përfshirë edhe Bjellorusia.
“Pas agresionit ushtarak të Rusisë në Ukrainë, që u dënua edhe nga liderët kosovarë, është e rëndësishme që edhe Kosova t’i bashkohet shqiptimit të sanksioneve ekonomike dhe financiare ndaj Rusisë dhe Bjellorusisë, në përpjekje për ta kundërshtuar fuqimisht agresionin rus”, deklaroi Gërvalla./arbresh.info/
Paralajmërim serioz se pse nuk duhet të karikoni telefonin g...
Pamje nga vendi ku dyshohet se vëllai theri për vdekje vëlla...
Tumoret e trurit – llojet, simptomat dhe trajtimi
Vëllai vrau vëllain me thikë, policia jep detaje se si nisi ...
Pse ky vend e ndaloi iPhone 16?
Ferrari F1 i Michael Schumacher vendoset për shitje në ankan...